CSR dilte CSR Cell hriattir turin chah

Mizoram Corporate Social Responsibility (CSR) Cell chu nimin khan an chairman TBC Lalvenchhunga, Adviser to CM hoin a pisaah an ṭhukhawm. CSR fund hmu mek te, dil tum leh dil mekte'n an hmalaknate CSR Cell kaltlanga tih a ngai lo mah se, Mizorama CSR fund che vel dinhmun chiang taka chhinchhiah a nih theih nan CSR Cell hriattir ṭhin tur a nih thu tarlan a ni.

Ṭhutkhawmah hian UNDP-in Mizorama CSR kaltlanga hmalakna tam zawk a awm theih nana Bangalore khawpuia programme neih an rawtna chu an remti. Non-Profit NGO-te'n tun aia CSR dawn lama hma an sawn theih nan leh CSR dawng thei NGO tam zawk an awm theih nan Income Tax Act, 1961 hnuaia 12A emaw 80G Registration nei tawh leh nei tura buaipui mekte'n cmo-csr@mizoram.gov.in ah an pawl chungchang lehkha thehlut vek turin an sawm bawk.