Project Monitoring Committee hmalaknate CM hoin thlirho a ni

Chief minister Lalduhoma hoin nimin khan CMO conference hall-ah Mizoram State Project Monitoring Committee an ṭhukhawm a, Committee-in hma a lak tawhna project 25 an thlir let.

MSPMC-in project tina thil fel lo nia an hriat leh rawtna an thehluhte sawiho a ni a, hmalak zui dan turte an rel bawk. CM Lalduhoma chuan, hun rei lo te chhunga MSPMC hmalaknate lawmawm a tih thu sawiin, "In hnathawhte hian rah ṭha a chhuah ngei ang," a ti.

Ṭhutkhawmah hian MSPMC member tharte inhmelhriatna hun hman a ni a, member secretary Lalthanzuala Ralte-in project 25 an endika Committee hmuh dante a sawi. Project tina thil fel lo nia an hriat leh hmuh te, rawtna an neihte chu sawiho nghal zel a ni.

MSPMC-ah hian vice chairman chu R Lalrinawma, IRS (Rtd) a ni a, ani hoin project ṭhahnem tak an endik tawh a ni.