Lirthei tlan dan siamrem a ni

Traffic SP Stephen Lalrinawma chuan hriattirna chhuahin, Aizawl leh a chhehvel kawngpui ṭhenkhata lirthei tlan dan tur tihdanglam a nih thu a tarlang a; harsatna an tawh loh nan a ṭul anga insiamrem turin mipui leh lirthei khalhtute a chah.

Traffic SP tarlan danin, Electric Venga P Thankhuma (L) in bul péng aṭanga Chhinga Veng lam kawngah holiday ni lo zawng - zing/chawhma dar 8-10 inkarah two wheeler tlân khap a ni a; he ruahmanna hi September 17, 2024-ah hman ṭan a ni ang.

Ramhlun South (Dikson Aluminum/Lena Enterprise bul)-a kawng chhak lungrem chim chu September 16, 2024-ah siam rem a ni dawn a, mipui leh lirthei veivâkte him zawk nan a khát tâwkin kawngpui khâr ṭhin a ni dawn.

Ramrikawn, Tuivamit aṭanga Lungverh inkar kawng chu September 16, 2024 aṭanga thawm ṭhat a ni dawn a, hna thawh hun chhung (zing dar 9:30 - tlai dar 4:30 inkarah)-in a khát tâwkin kawngpui khâr ṭhin a ni ang.