Aadhaar-ah nausên ziah luh theih

General Administration Department (GAD) chuan Aadhaar chungchangah thuchhuah siamin, Aadhaar-a inziak lut turin kum bithliah a awm loh thu leh nausên piang hlim pawh ziah luh theih a nih thu an tarlang.

GAD chuan, "Nausen piang hlim leh naupang kum 5 aia upa lote chu a nu emaw, a pa emaw Aadhaar number leh a birth certificate kengin Aadhaar Enrolment Centre-ah ziah luh theih a ni. Heng kum bithliah (kum 0-5)-te hi Aadhaar enrolment tihsak an nih hian an thla lak a ni a, biometric chhinchhiahna dang - kutze thla (fingerprint) leh mit notê (iris) zia nem kai a la ngai lo," an ti.