VC/LC atan hming pek luh hun tawp

Mizorama district paruka April 30, 2015-a village council leh Ai­zawl khawpuia local council inthlan neih tura chuh tura hming pek luh hun chu vawiin tlai hian a tawp dawn a; mi ṭhahnem takin hming an pe lut tawh.

Tarlan tawh angin, VC inthlan hi district paruk - Aizawl, Lunglei, Serchhip, Champhai, Kolasib leh Mamit district-a VC 536-ah neih a ni dawn a; Aizawl khawpuiah erawh chuan local council 83-ah inthlan a ni ang.

Aizawl, Lunglei, Ser­chhip, Champhai, Kolasib leh Mamit district chhung khaw hrang hranga VC thlan leh Aizwla LC thlan turah hian chuh tum mi tam zawk chuan Inrinni khan returning officer-te aṭangin nomination form an la chhuak a; vawiin tlai dar 3 hma ngeiin RO hnen­ah theh luh leh tur a ni.

LC leh VC inthlan tur­ah hian hming pek luhte chu April 14-ah endik a ni ang a, inhnukdâwk duh tan April 16 chhun dar 12 thleng inhnuhdawh theih a ni ang. April 30-ah zing dar 7 aṭanga tlai dar 5 thleng vote thlak tur a ni.