Kolasib-Hailakandi district mite intihhlimna hun buatsaih an rel

Hailakandi district thuneitute chuan, Kolasib district thuneitute chu intihhlimna hun, outreach programme hmanpui turin an sáwm a, hemi ngaihtuah hian Inrinni khan district pahnih thuneitute an ṭhukhawm.

Hailakandi DC Barun Bhuyon chuan, Border Ministry aṭangin ramri hnaia chengte nena inṭhian ṭhatna programme siam ṭul tihna a awm tih a sawi a, "Chumi atan chuan Border Ministry-in sum a dah a, district pahnihte'n competition rilru pu lo a, cultural leh sport hmanga infiamna neih kan duh. Infiammite pawhin inunauna rilru pu thei se a duhawm hle," a ti.

Meeting-ah hian out­reach programme hman hun atan May thla ruahman chhin a ni a, item tur chu district pahnihte'n ngaihtuah a, a hma thei anga Bairabi-ah meeting neih leh an rel. Meeting-ah hian Kolasib aṭangin additional DC Lal­fela Sailo hoin SDC, DSYO leh ACF-te an tel a ni.