Hel ruaitu puang turin MNYF phût

Congress party chuan thuchhuah siamin, MNF ṭhalai president chu hel ruaitu puang turin an phût tih an tarlang.

MPCC chuan, MNYF president K Vanlalvena’n April 10-a press conference a neihah, March 28, 2015-a MLA-te HPC(D)-te'n an lambun chhan chu Health Minister thu dik lo sawi thup bo duhtute thil tih a nih thu a sawi niin an tarlang a; Health Minister thu dik lo sawi thup bo duhtu chu tu nge a nih sawi turin an phût.

K Vanlalvena'n HPC (D) hel nia inchhál, Home minister R Lalzirliana sipai inti an awm thu a sawi chungchangah, K Vanlalvena'n thu a dawn sual vang a nih thu MPCC chuan an sawi a; "Pu Zira hian sipai a nei lo a, hel inti thu sawi kha awih tlak a ni lo," an ti.