Vanzau-ah sikul kai dawn lo

Champhai district-a Vanzau khuaa zirlaite chu, Vanzau Middle School heasmaster JM Suan Do Chin-a thil tih dan an duh loh avangin vawiin hian sikul kai loh an tum.

Vanzau M/S headmaster JM Suan Do Chin (66) chu a sikul naupangte vau beta mipat hmeichhiatna hmanpui ṭhinah puh a ni a, Vanzau branch MHIP-in Champhai Police Station-ah FIR an thehluh hnuah Champhai police-te'n an man a ni.

JM Suan Do Chin-a thil tih dan an demzia lantir nan leh an zirlaipuite thlavâng hauh nan Vauzau khuaa zirlaite chuan April 9, 2015 khan an khaw chhungah thuziak an tár a; 'Zirlai hmeichhiate nun tichhetu zirtirtu kan duh lo' tih te, 'Naupang pawngsual hi zirnaah a tel lo' tihte an ziak a ni.