Disturbed area puang lo turin ngen

Tuisual group YMA chuan, an group huam chhungah disturbed area puang lo turin sorkar an ngen a; HPC(D)-te chu village council inthlan tibuai lo turin an ngen bawk.

Tuisual group YMA hian Inrinni khan Sakawr­daiah extended meeting an nei a; Tuisual group YMA huam chhung chu ram buai a nih loh avangin disturbed area-a puang lo turin sorkar an ngen a ni.

Tuisual group YMA chuan, V/C inthlan lo awm turah HPC(D)-te'n political party-te hnenah chuh tura hming pe lut lo turin an ti niin an sawi a; HPC(D)-te chu an thu sût tur leh V/C inthlanah harsatna siam lo turin an ngen a ni.

Tuisual group YMA ngenna angin, an group huam chhunga kohhran hrang hrangte chu Inrinni zan khan kohhran inkhawmah V/C thlan tluang taka neih a nih theih nan leh an huam chhung chu disturbed area-a puan a nih loh nan an ṭawngṭai rual a ni.