Zirtirtu mahni awmna tura awm lote lakah hmalak tum

Lai Students' Asso­ciation (LSA) general headquarters, Lawngtlai chuan thuchhuah siamin, zirtirtu mahni awmna tura awm lote chungchangah chak zawka hmalak an tum thu an puang.

LSA chuan, LADC hnuaia zirtirtu tam tak chu an awmna tur sikulah zirtir hna thawk loin, office lamah dah (attached) an ni tih an sawi a, "Hei hi RTE kalh a ni a. RTE Act-ah chuan election emaw, census emaw avang chauhin zirtirtute hi pawhpên theih an nih laiin, election leh census vang ni loa pawhpên an ni hi hriatthiam har kan ti," an ti.

LSA chuan, Lawng­tlai district chu Mizoram puma literacy rate tihniamtu an nih lai leh thingtlangah zirtirtu an tlem em em laia khawpuia awm vek an tum chu ṭha lo an tih thu an sawi bawk.