KHAWTHLIR

KṬP-in thisen pe

September 14, Inrinni khan KṬP, ITI Veng Bial chuan ZMC tan thisen unit 76 an pe a, petute mipa 56 leh hmeichhia 18 an ni a; KṬP, Leitan South Branch-in Synod Hospital tan unit 31 pein, petute mipa 27 leh hmeichhia pali an ni. KṬP, Bangalore Branch pawhin CMC Hospital, Vellore-ah thisen unit 46 an pe bawk.

Heroin man

Saitual Police Station-a police-te chuan September 13, 2024 zan khan Keifang dawr kâwnah maxicab MZ-01 L-2167, Champhai aṭanga Aizawl lam pan aṭangin heroin (no. 4) ngei nia hriat gram 592.57 (hawng 50) an man a, a kawltu Ni Dun Lian (41) s/o Liankung (L), Ngailan, Myanmar nia inchhál an man bawk. Heroin an man hi Rs 17,76,000 hùa chhût a ni.

Chakai hraitu man

Aizawl khawpui châwmtu tui lakna pakhat, Serluia PHE department-in tui an lakna (intake) hnâr lama rannung thahna hlo (pesticide) hmanga chakai hraitu mi pahnih - Zonunsanga (28) s/o Malsawmdawngliana, Saikhamakawn leh RB Lalbuatsaiha (42) s/o R Lalnuntluanga, Chanmari, Aizawl te chu September 13, 2024 khan Lungleng khawtlang hruaitute leh EFCC department mite'n an man. Mi pahnihte hi court-ah hruai an ni.

MLA-in tlawh

Adviser to CM Dr Lorrain Lalpekliana Chinzah, Lawngtlai East bialtu MLA chuan September 13, 2024 khan Lawngtlaia Samagra Shiksha District Project pisa a tlawh.

Kawng inkawhhmuh

Lunglei Officers' Club chuan September 13, 2024 khan Lunglei College-ah zirlaite pualin hma lam hun atana kawng inkawhhmuhna (career awareness programme) an buatsaih a, zawhna leh chhanna hun hman a ni bawk.

Luiah tla hlum

Nimin tlai dar 3:30 vel khan Zothansanga (19) s/o Zohmangaih, Tlangnuam Vengthar, Aizawl chu Tuithûm lui, Tlawng lui Reiek kai thlen hma deuhah a tla hlum a, nimin tlai dar 4:47 khan a ruang lak chhuah a ni.

Luiah tla hlum

Nimin tlai dar 3:30 vel khan Zothansanga (19) s/o Zohmangaih, Tlangnuam Vengthar, Aizawl chu Tuithûm lui, Tlawng lui Reiek kai thlen hma deuhah a tla hlum a, nimin tlai dar 4:47 khan a ruang lak chhuah a ni.