Mizorama Cancer leh IMR an rawn zir dawn

Rajya Sabha MP Ronald Sapa Tlau chuan, Mizorama cancer tam lutuk leh Saiha district-a nausen thihna a tlem dan tur kawng zawng turin sorkar laipuia sorkar hotute a dàwr a; a ngenna angin Indian Council of Medical Research leh Tata Cancer Hospital, Mumbai-a mithiamte'n Mizoram dinhmun an rawn zir chiang dawn.

Ronald Sapa Tlau hi Parliament Committee on Science & Technology-ah member a ni a, chutah chuan Mizoramah cancer vei an tam thu leh Saiha district bikah infant mor­tality rate (IMR) a san thu a sawi a ni. Hei bakah hian, Parliament-ah pawh a sawi chhuak tawh a, Union Health Minister hnenah lehkha ziakin, a rang thei ang bera Mizorama mithiam tir lut turin a ngen a ni.

Ronald Sapa Tlau hnen aṭanga thu dawn danin, Mizoram dinhmun zir chianga rawn kal turte chu - Indian Coun­cil of Medical Research-a scientist pali - Dr Maladika Roy, Dr Samiran Pandan, Dr Alok K Deb leh Dr Shanta Dutta te an ni a; a hnu deuhah Tata Cancer Hospital, Mumbai-a mithiamte an lo kal ve leh bawk ang.

Ronald Sapa chuan, mithiamte chuan cancer leh IMR sang an rawn zir chiang ang a, an thil hmuh dan azirin hmalak zui dan tur ruahmanna an siam dawn a; amah ngeiin mithiamte chu a ṭawiawm tur thu a sawi bawk.