KHAWTHLIR

MIFCO chairman-in kâwm
Tun hnaia MIFCO chairman atana ruat thar PC Zoram Sangliana, MLA chuan nimin khan MIFCO officer-te an office-ah a kâwm a, hmalak dan tur a sawipui. PC Zoram Sangliana chuan, "MIFCO hi hun eng emaw lai a­ṭanga din­hmun rap pelh lek lek, corporation chhe tawh lam a nihnaah mite'n an lo en hniam pawh a ni thei a, lei rem rap lehin Pathian leh sorkar zarah an dingchhuak leh thei a ni," a ti.

Fire Service Week
Nimin khan Lawngtlai SP conference hall-ah 'Fire Service Week 2015' hawnna neih a ni a; Week thupui chu 'Kangmei laka i him theih nan - in chhung bungraw ṭha leh a enkawl dan dik hmang rawh' tih a ni.

Chuhtu awm lo
Mission Vengthlang local council ṭanglaite chu khawtlangin an la ṭhaa an hriat a nih avang­in MPF local forum hmalaknain chuhtu an awm dawn lo. Mission Vengthlangah hian LC seat pasarih awmin, MNF-in seat nga leh Congress-in seat hnih an chang mek a, mahse dan thar hnuaiah hmeichhe tan seat reservation a awm tawh avangin, Congress LC pakhat a bang ang a, a aiah hmeichhe pakhat dah a ni dawn a ni.