Chhim lamah ni 12 chhung Kawlphetha a awm dawn lo

April 14-25, 2915, ni 12 chhung Zuangtui leh Bukpui inkara 132 KV line siam ṭhat a nih dawn avangin Mizoram chhim lam zawngah vawiin aṭanga April 25 thlengin zing dar 9:30 atanga tlai dar 4 inkarah power supply a awm dawn lo.

Power & Electricity executive engi­neer (Lunglei Circle) WC Lalchhuan­liana chuan nimin chawhnu khan a pisaah Lungleia thuthar thehdarhtute kâwmin, ni 12 chhung Mizoram chhim lama kawlphetha a awm loh tur thu a sawi a; kawlphetha pek theih loh tur chungchanga hriattirna chu April 10, 2015-ah State Load Despatch Centre-a superintending engineer-in Serchhipa P&E EE kaltlangin a tichhuak niin a sawi.

WC Lalchhuanliana sawi danin, April 14-25 chhung hian hardware fitting tih a nih dawn bakah, disc insulator-te thlak a ni dawn a; hna thawh hun chhung - zing dar 9:30 aṭanga tlai dar 4 inkarah kawlphetha pek chhuah a ni lo ang.

Kawlphetha pek chhuah lohin a huam turte chu - chhim lama 132 Kv Line station zawng zawng - Khawiva, Hnahthial, Thenhlum, Chhingchhip leh Sialsuk hnuaia kawlphetha dawngtute an ni.