Minister-in Vaivakawn lei chê a tlawh
Minister of state Lalruatkima chuan nimin zing khan Vaivakawn, Hunthar Veng leh Chanmari West inrìna peng ṭhuam bul vela lei chê vanga chenna in chhia leh ṭhiahte a enfiah a, khawtlang hruaitute'n an ṭawiawm.
Lalruatkima chuan, khuarèl chhiatna vanga in leh lo chánte chu sorkarin a theih ang anga tuam dam dan tur leh chhiatna thleng zel thei laka venhim dan tur a ngaihtuah thu leh, tun dinhmunah chhungkaw 19 chu an inthiar chhuah tawh thu a sawi.
Minister chuan, sorkarin thupek a chhuah tawh angin, in pathum chu ṭhiah leh tura ruahman a nih thu sawiin, "Khawtlang hruaitute nena ruahmanin Village Disaster Mangement lamin hma an la zui dawn a ni," a ti. Lei chê avang hian kumin tìr lam khan in pali ṭhiah a ni tawh.