KHAWTHLIR
DoNER minister
Ministry of Development of North Eastern Region (DoNER) minister Dr Jitendra Singh chuan vawiin hian Aizawl a rawn tlawh dawn. DoNER Minister hian sorkar hotute a kawm dawn bakah, zan dar 7-ah State Guest House-ah thuthar thehdarhtute a kâwm dawn a ni.
MEC-ah hmalak tum
Chhimbial Chhantu chuan thuchhuah siamin, Mizoram Engineering College awmna tur hmun land lease-a a lan danin, a zau zawng chu bigha 74.82-a zau a ni a, validity period chu thla ruk, April 2015 - September 2015 chhung a nih avangin Pukpui V/C-te'n ram an sâmfai tawh avangin thla ruk chhunga hmalak a nih ngei theih nan a ṭul anga hmalak an tum thu an puang.
FIR thehlut
Mizo Students' Union-te chuan nimin khan Aizawl Police Station-ah MPSC chairman Andrew Lalherliana lakah FIR an thehlut. MSU hian an president PC Lalrinhlua hmingin FIR an thehlut a; an thehluh chhan chu - a document ṭhenkhata a pian kum a inan loh vang te, kum 2008-a Assembly inthlan dawnah a nomination paper affidavit-ah a kum a dik loa a ziah vang a ni.
Ph.D hmu thar
R Lalsangpuii d/o Dr R Rualthansanga chuan Assam University aṭangin doctor of philosophy a hmu thar a, a thesis title chu 'The rol of chieftainessess in the Mizo resistance movement against British (1800-1900)' tih a ni.
DC sawn
Lunglei DC Ashish Madhaorao More chu Disaster Management & Rehabilitation (DM&R) secretary hna chelh tura ruat thar a ni.