Fire Service Week hmang
Fire & Emergency Services chuan nimin khan an Hunthar Venga an headquarters-ah Fire Service Week an hmang.
Week hmanaah hian F&ES director Neihchungnunga chuan, Fire & Emergency Services-a thawkte chu mipuiin an lakah beiseina sang tak an neih thu a sawi a, theihtawp chhuaha ṭan la turin thawktute a fuih.
April 1, 1944-a Bombay-a Victoria Dock lawng chawlhhmuna lawng pakhatah thil puak nasa takin kângmei a tichhuak a, lawng chawlhhmun leh a chhehvel acre 300 chuang a kâng chhia a, mi 500 vel an thi a ni. Thi zinga tel Bombay kâng ṭhelhtu pawla thawk mi 66 leh chhanchhuah hna thawktu Salvage Corps mi 11-te hriatreng nan kum tin ram pumah April 14 aṭangin Fire Service Week hman ṭhin a ni.