Dan loa sumdawng titawp turin hriattir

YMA sub-headquar­ters, Serchhip hnuaia Kumpuan Committee-te chuan nimin khan Serchhip sub-hqrs. YMA Office-ah dan loa hnam dang sumdawng, Mosrul Ahmed chu an ko a, dan loa a sumdawnna titawp turin an hriattir.

Serchhip sub-hqrs YMA Kumpuan Com­mittee-te sawi danin, Mosrul Ahmed hi Ser­chhip Dinthar Vengah chhang siamna (bakery) a nei niin an hria a; Mosrul Ahmed pawhin bakery chu an ta ngei a nih thu leh, in luah manah T Rosiama hnenah thla khatah Rs. 3,500 an chawi ṭhin thu a sawi. Hetih lai hian, T Rosiama, Serchhip Venglai chuan bakery chu a tâ angin a lo chhál tawh ṭhin a ni.

Mosrul Admed hi a ILP-ah chuan bakery helper angin a inziak a, mahse ILP-in a huam loh, Serchhip, Keiṭum, Bungtlang, Pangzawl leh Rawpuiah te artui a supply ṭhin niin an sawi. Serchhip YMA-te chuan vawiin hian T Rosiama chu YMA office-a lêng turin an sáwm a, an titipui dawn a ni.