Education pisa kái tur dan tum

Mizo Students Union (MSU)-te chuan sikul ṭan hman an duh loh lantir nan naktuk hian School Education directorate leh district headquarters-a DEO pisate dan an tum nia thu dawn a ni. Hetih lai hian, School Education department chuan thawktute chu pisa kai vek turin a hriattir.

Lunglei MSU hruaitute nimina ṭhukhawm chuan DEO office kai tur dan nise, an ti a, hmasawnna a awm loh chuan kar lehah tiam chin awm loa Lunglei khawpui chhunga total bandh huaihawt an rel. Lung­lei bakah hian khawpui dang­ah pawh Education dept. office-a kai turte hi dan an nih dawn thu MSU hruaitute chuan an sawi.

School Education department chuan April 13, 2015 khan office order siamin, "April 16, 2015 hian sikul kai hun sawn hma duh loh lantirna atan MSU chuan Education department-a thawkte pisa kai tur dan a tum tih hriat a ni. Hei hi department chuan âwm lo a tiin, pawi a ti hle. Hemi ni hian office tluang taka a kal theihna atan Education department officer leh staff zawng zawngte office dan pangngaiin a hun taka kal vek tur a ni," an ti.