Election observer-in official-te kâwm

April 30, 2015-a village council inthlan neih tura Lunglei district atana observer-a ruat Hrangtawna, IRTS chuan Thawhṭanni khan Lung­leiah official-te a kâwm.

Hrangtawna chuan, mipui rorelna sorkar awmna reng rengah in­thlan chu a ban pawimawh a nih avangin ngaih pawimawh a nih thu a sawi a, "Tuna V/C inthlan tur pawh hi sorkar lai­pui pawhin a ngaihven reng a, vanneih­thlak takin Mizoramah chuan boruak muan­awm tak hnuaiah inthlan felfai takin neih ṭhin a ni a, mahse inthlahdah chi a ni chuang lo," a ti.

Hrangtawna hian nimin khan Tlabunga V/C inthlan tur atana an inbuatsaihnate a enfiah bawk.

Lunglei district huam chhungah hian V/C 145 awmin, returning officer turte chu training pek vek tawh an ni a, presi­ding officer leh polling officer-te training pe tura inbuatsaih mek a ni.