Quarantine centre kaihhruaina thar

Health & Family Welfare department chuan Mizorama quarantine centre hrang hrang - sorkar leh khawtlang enkawlte leh hotel-a awmte zawm tur kaihhruaina thar an siam. Kaihhruaina thar hi September 26, 2020 khan tihchhuah a ni.

1.    Quarantine-a awm chhungin Health department-in inkaihhruaina a siamte ṭha taka zawm tur a ni a; mask vuah, kut sil ngun, hand sanitiser hman, social distancing leh invenna dangte uluk takin an vawng tur a ni.

2.    mCOVID-19 leh Aarogya Setu application-ah in register vek tur.

3.    Quarantine ṭan ní aṭanga ni 5-10 inkarah swab sample lâk tur a ni a, test result chhuah hma chuan uluk takin an inkhung chhunzawm ang.

4.    Sample test result a chhuah a, an negative chuan quarantine chhunzawm a ngai tawh lo a, hna pangngai a thawk chhunzawm thei ang. Amaherawhchu, mahni hriselna inchîk reng tur a ni a, invenna uluk taka kalpui chhunzawm tur a ni.

5.    Quarantine zo tawhte chu bialtu chief medical officer-te'n quarantine completion certificate an pe ṭhin ang.

6.    Quarantine laia Covid-19 sign & symptom neite chu ni 5-10 nghâk kher loin a rang thei ang bera swab sample lak tur a ni.

7.    Hriselna lama harsatna nei tan heng Covid Helpline phone no. 102 / 0389-2323336 / 0389-2322336 / 0389-2318336-ahte inhriattir theih reng a ni.