Two wheeler pual petrol thunna hawng

MIZOFED-te'n two wheeler tan bika petrol thunna tur Treasury Square-a an siamthar chu nimin zing khan Cooperation minister C Lalrinsanga'n a hawng.

C Lalrinsanga chuan mipuite'n petrol chhiat leh ṭhat an ngaihtuah lem lo tih sawiin, "Petrol ṭha lo hi lirtheiin nasa takin a tuar thei a ni. Economy thlenga nghawng thei thil a ni," a ti a, mipuite chu petrol ṭha leh ṭha lo ngaihven deuh deuh turin a sawm.

MIZOFED chairman K Laldawngliana sawi danin MIZOFED hian kum 1981 khan petrol pump a nei ṭan a, tunah hian Mizoramah hmun riatah an nei mek. IOC-in petrol pawm tlaka a ngaih chu 3 density a ni a, mahse MIZOFED chuan 1 density pel pawh unload an phal a, lirthei khalhtute hrem ṭhin an ni.