2024-ah ruihhlo vangin Mizoramah mi 52 thi tawh

Excise & Narcotics department (END) chhinchhiah danin, Mizoramah kumin 2024-ah January 1 aṭanga September 5 thlengin ruihhlo vangin mi 52 an thi tawh a, mipa 45 leh hmeichhia pasarih an ni.

Ruihhlo vanga thi mi 52 zinga mi 33 chu heroin avanga thi an ni a, mi 19 chu heroin leh ruihhlo dang tih pawlh an ni. Alprozolam leh ruihhlo dang tih pawlh avanga thi leh khuh damdawi (couh syrup) leh ganja tih pawlh avanga thi mi pakhat ve ve an awm.

Kum 2023 chhung khan Mizoramah ruihhlo vanga thi mi 76 awmin, mipa 64 leh hmeichhia 12 an ni a; an vai hian heroin kaihhnawiha thi vek an ni.