KHAWTHLIR

BJP president
BJP national president Amit Shah chu vawiin hian Aizawlah a rawn kal dawn. Amit Shah hian Vanapa Hall-a vantlang inkhawmah thu a sawi ang a, tlai dar 4-ah Aijal Club-ah thuthar thehdarhtute a kâwm ang.

Tuirialah tla hlum
Nimin chhun khan Lalruatfela (20) s/o Lalṭangliani, Saron Veng chu Tuirial luiah a tla hlum a, nimin tlai dar 5:00 vel khan a ruang hmuh a ni. Lalruatfela hi Saron Veng YMA-a section pakhat, inhlawhna atana blanket sûte zingah a tel ve a, tuiah chesualin a tla hlum a ni.

Kawng zawh
Mizoram Forum for the Protection of Non-Mizo intite chuan, Thawhlehni khan Silchar-a GS Stadium aṭanga Mizoram House kawt thleng kawng an zawh. Kawng zawh chhan hi - Mizoramah ILP nei lote chunga pawl ṭhenkhatte thil tih dan an duh loh vang nia sawi a ni. Mizoram sorkar hotute hnena an thu thlen tur chu Silchar-a LO T Vanlalmalsawmsanga hnenah an pe.