Rangvamualah lei thianfai leh a ni

Rangvamual tawntirh kawng chhak aṭanga leimin ṭhin chu nimin aṭang khan thenfai chhunzawm a ni a, hei vang hian he kawng hi khâr rih a ni.

Aizawl DC Dr Franklin Laltin­khuma, Aizawl District Disaster Management Committee chairman ni bawk chuan leimin ṭhin thenfai dan tur enfiahin Thawhlehni khan a hmunah a tlawh a, PWD engineer-te leh geologist-te'n an ṭawiawm.

Geologist leh engineer-te chuan kawng chhak lama lei awm dan chu a ziaawm tawha an hriat avangin nawr thlak belh tawh loin, kawng hnawh mektu leh tla leh mai thei tura ngaihte chu nimin aṭang khan thenfai ṭan a ni a; hna thawh chhungin kawngpui khar a ni.

Kawng thenfai hi vawiinah chhunzawm a ni dawn a; April 17 aṭang chuan lirthei chi tin kal theiha hawn theih beisei a ni.