Kolasib YMA-in thisen sawngbawlna man peksak rêl

YMA sub-head­quar­ters, Kolasib Ro­rel Inkhawm chu ni­min khan Vairengte community hall-ah neih a ni a; Kolasib District Hospital-a damlo thisen mamawh, thisen sawng­bawlna tur nei lote chu YMA-in peksak an rel.

Rorel inkhawm hi Kolasib sub-hqrs. YMA president CT Mawia'n a kaihruai a, agenda lut 25 zinga 10 an hnâwl.

An thu rel zingah - hnam dang voter ID nei lo, ration card nei si zawn chhuah a, an ration card tihtawpsak tura thuneitute hnena thlen te; Kolasib District Hospital tihchangtlun a nih theihna atana hmalakte leh nung­cha humhalh kawnga chak zawka hmalak dan zawnte a tel.

Heng bakah hian, hnam dang pasal nei leh hnam dang sumdawng, mimal hnuaia hnathawkte pawh zawn chhuah ni se an ti a; sorkar dan awm sa angin, hnam dang hnena in hmun lo ram hralh lo turin YMA-in hma la thar se, an ti bawk.

Kolasib sub-hqrs. YMA hnuaiah hian branch 85 an awm a, kum khat danah rorel inkhawm an nei ṭhin a, nakkumah chuan conference an hmang thung ang.