Vijay Diwas

Nimin December 16 kha India-in Pakistan a hnehna ní, Vijay Diwas a ni a, Mizoram hmun ṭhenkhatah hman a ni. Aizawlah chuan Mizoram Ex-Services League hruaitu te, World War-II Veteran Association President, Assam Rifles Ex-Servicemen President leh Sainik Welfare & Resettlement officer-te'n War Memorial, Treasury Square-ah pangpar an dah.

December 16, 1971 khan India sipaite chu Indo-Pakistan War of 1971-ah an chak a, tun hmaa East Pakistan tih ṭhin chu independent ram niin, Bangladesh a piang zui a ni. Pakistan sipai lal ber (Chief of the Pakistan Forces) Gen. Amir Abdullah Khan Niazi chu a sipai 93,000 nen India sipai hotu Gen. Jagjit Singh Aurora hmaah a inpe a ni. 

(Thlalak: Vijay Diwas pualin Assam Rifles-te'n hmun hrang hrangah an rálthuamte mipui hmuh atan an pho chhuak a, naupangte chu India leh Pakistan indo chanchin an hrilhfiah)