Sorkar laipui dawr

Mizorama autonomous district council pathum - Lai, Mara leh Chakma ADC ten Mizoram sorkar kaltlang loa sorkar laipui aṭanga sum an hmuh theihna tura beitu, Direct Finance Demand Committee chuan, an thil phût sorkar laipuiin a tihhlawhtlin theih nan Indian Constitution-a Sixth Schedule chu siam ṭhat tum niin an chairman Hmunhre chuan a sawi. Hmunhre chuan, Sixth Schedule siam ṭhat rawtna Union Law Ministry aṭangin Home Ministry-ah thawn a nih tawh niin a sawi a; mahse Union Cabinet leh Parliament-in an pawm a la ngai dawn tih a sawi bawk.