Sorkarin Taxation dept a titawp; Finance dept. hnuaiah dah a ni

Mizoram sorkar chuan Taxation department a titawp a, Mizoram sorkara List of Departments aṭanga paih niin, Finance department hnuaiah a awm tawh.

Thu dawn danin, Mizoram sorkar chuan August 23, 2024 khan Taxation department tihtawp a ni tih hriattirna (notification) a tichhuak a, department anga awm tawh loin, Finance department hnuaia péng pakhat a ni tawh dawn a ni.

Taxation department hi Government of Mizoram (Transaction of Business) Rules, 2014 First Schedule-a List of Departments leh Government of Mizoram (Allocation of Business) Rules, 2019 Fortieth Schedule aṭangin paih a ni.

Taxation department tihtawp a nih avang hian minister Dr Vanlalthlana'n department a enkawl list aṭang pawhin paih a ni tawh. Dr Vanlalthlana hian School Education, Higher & Technical Education, Information & Public Relations leh Information & Communication Technology department-te a la enkawl a ni.