Minister-in Tlabung damdawi-in a tlawh

Health & Family Welfare minister Dr R Lalthangliana chuan December 15, Thawhlehni khan Tlabung damdawi-in a tlawh a, senior medical officer Dr R Lalnienga leh thawktu dangte nen an inkàwm.

Health Minister hian Tlabung damdawi-in chu a fang kual a, damdawi-in thuneitute'n an harsatna leh mamawhte an lo thlen. Damdawi-inah hian khum 30 awmin, thawktu mi 42 an awm a; doctor pali - senior medical officer leh medical officer pakhat ve ve leh medical officer (AYUSH) pahnih an awm a ni.

Dr R Lalthangliana chuan, Mizoram chu Covid-19 doah India rama thawk ṭha berte zinga mi a nih thu sawiin, Covid-19 vanga thi tlem berna state a nih thu a sawi a, "Hei hi department-a thawktute, task force te, kohhran leh Mizoram mipui ṭanhona rah a ni," a ti. Tlabung damdawi-in mamawhte chu ngaihven thuai a tum thu sawiin, thawktute'n Krismas an hmanna atan Rs. 10,000 a pe.

Tlabung Sub-Division huam chhungah mi 332 khung hran an ni tawh a, Covid-19 vei hmuh chhuah awmchhun mi pakhat chu enkawlna hmuh aṭangin chhuahtir tawh a ni.