HIV/AIDS/STI dona intihsiak huaihawt

Hnahthial District AIDS Prevention & Control Committee (DAPCC) huaihawtin nimin khan Hnahthial Electric Veng community hall-ah high school chin chung lam zirlaite tan photo booth, stall leh placard siam intihsiakna huaihawt a ni.

Intihsiakna hun hi district AIDS control officer Dr R Lalsanglura'n a kaihruai a; mipat hmeichhiana aṭanga natna kai theih - HIV/AIDS leh STI inkai darh dan leh inven dante a sawifiah.

Dr R Lalsanglura chuan, zûk leh hmuam chu ruih theih thil tih bul ṭanna a nih ṭhin thu sawiin, naupangte chu inthiar fihlim turin a chah a; mipat hmeichhiatnaah pawh insûm tur leh uluk taka an ni tin hun hman hmang turin a chah bawk.

Intihsiakna hi India ram puma HIV/AIDS leh sexually transmitted disease (STI) do beihpui thlakna, Intensified IEC Campaign - India Fight Against HIV/AIDS & STI puala buatsaih a ni a; intihsiakna dangte pawh la buatsaih zel tum a ni.