Hriselna endik

Kolasib Chief Medical Officer ruahmannain September 16, Thawhṭanni khan health worker pathum leh health supervisor pahnihte'n Tuitun leh Khamrang inkara kawng chhia vanga lirthei tangkhang mek enkawltu - driver leh handyman-te hriselna dinhmun an endik a, an inthiarna hmunte an enfiah bawk. 

Lirthei khalhtute zingah enkawl ngai leh damdawi pek ngai an awm lo a, a thlàwnin thosilên pek an ni a, hriselna kaihhnawih thil pawimawhte an hrilh a ni. Thawhṭanni vek khan All Mizoram Petroleum Dealers Association chuan lirthei tangkhang enkawltute hnenah ei leh in tur an sem bawk.