Sport Incentive Cash Award sem phût

ZPM Ṭhalai chuan, MNF sorkar hnuah Sport Incentive Cash Award sem a la ni lo tih sawiin, sem chhuak vat turin sorkar an phût.

Nimina ZPM Ṭhalai thuchhuah chuan, "Infiam mite hmakhaw ngaitu inti MNF sorkar hian an sorkar aṭanga Sport Incentive Cash Award pakhat mah an la sem lo hi mak kan ti a, Sport minister Pu Robert Romawia Royte leh MNF sorkar hian thu chauh ni lo, a tak ram thleng phaka infiam mite hmakhua ngai turin kan ngen a ni," a ti.

ZPM Ṭhalai hian kum 2018 leh 2019-a sport discipline zawng zawnga incentive cash award sorkarin a batte chu a dawng tur dik takte hnenah kumin Krismas hma ngeia pe turin Mizoram sorkar an phût a ni.