BJP ṭhalaiin MLA hrem an phût

BJP, Mizoram Pradesh ṭhalaite chuan thuchhuah siamin, Mamit bialtu MLA H Lalzirliana leh a ṭhuihhruaite'n November 21, 2020-a Tut lui, Forest Reserve chhungah bomb hmanga sangha an man avangin an chungah dan anga action lâk leh hrem ngei an phût thu an tarlang.

BJP ṭhalaite chuan, H Lalzirliana leh a thurualpuite'n Tut luia sangha an bomb chungchanga Vanramchhuangi'n FIR a thehluh bawhzui thâwm a awm lo tih sawiin, "MNF sorkar hi mahni ngam zawngte chauha action la ṭhin an ni tih a tilang chiang hle. Thlei bik nei leh ngam zawngte lakah chauh dan lekkawh lo tur leh rualkhai taka dan lekkawh a, Tut lui bomb-tute pawh mana hremna pek ngei kan phût a ni," an ti.