Mizorama thar buhhûmah support price pek rêl a ni

Mizoram State Government Paddy & Rice Procurement Committee chu nimin khan Chief minister Lalduhoma kaihhruaiin an ṭhu khawm a; Hand Holding Scheme nena kal kawp turin sorkarin Mizorama thar buhhûmah support price pek an rêl.

Government Paddy & Rice Procurement Committee hian Mizorama buh chíngtute'n hlâwk zawka buh an tharte an hralh theih dan tur an sawiho a; Hand Holding Scheme nena kal kawp turin sorkarin Mizorama thar buhhûma support price pek rel bakah, bul ṭan nan kuminah Kolasib leh Mamit district-ah kalpui phawt an rêl. Kalpui dan tur kimchang chu vawiina Hand Holding Scheme hawnnaah puan a ni ang.