MPCC-in MLA Sanjay Gaikwad hrem an phût

Mizoram Pradesh Congress Committee (MPCC) chuan thuchhuah siamin, Shiv Sena MLA Sanjay Gaikwad-in Rahul Gandhi lei (tongue) hlep theitu apiang hnenah Rs 11,00,000 pek a tiam chu an dem thu leh dan anga a chunga action lak an phût thu an tarlang.

MPCC chuan, "Sanjay Gaikwad, Shiv Sena MLA-in Rahul Gandhi lei hlep theitu apiang hnenah chegn nuai 11 pek a tiam leh ṭawngkam chhe tak, tharum thawhna chawk chhuak thei zawnga a sawi avangin na takin kan dem," an ti a; buaina cho chhuak zawng leh ṭawngkam mawi lo tak a hman avangin Sanjay Gaikwad-a chunga action la turin thuneitute an phût.

Congress party chuan, "Sajay Gaiwak hian Rahul Gandhi-a thusawiah rílrem loh zawng a nei a nih pawhin, mipui aiawha thlan tlin a nih angin mawihnâi takin a duh chuan sawisel theihna a nei a ni," an ti.

MPCC tarlan danin, Rahul Gandhi-a'n tun hnaia USA a tlawhnaah ram hruaitute'n hnam hnuaihnung zawk mi maktaduai tam tak an enkawl dan chu a sawisel a, 'India rama sumdawng hruaitu list en u la, tribal hming te, dalit hming te, OBC hmingte zawng teh u. Anni ho hi India mihring 50% zet an ni a, India mi hausa 200 thlan chhuah zingah OBC pakhat chauh i hmu ang,' tiin a sawi a ni.