DC-in quarry neitute dan zâwm turin a chah

Kolasib district bawrhsap Robert C Lalhmangaiha chuan nimin khan Kawnpui SDO (Civil) pisa conference hall-ah Kawnpui leh Kolasib inkar kawngpui kama lung quarry neitute a kâwm a, dan ngai pawimawha zâwm turin a chah.

Bawrhsap chuan, national highway humhalhna leh enkawlna chu dan hnuaia awm a nih thu leh kawngpui kama quarry enkawltu leh neitute'n dan an zawm ngei tur a nih thu a sawi a, "Hnathawh in duh a, in eizawnna a kal zel theih nan highway leh a reserve chin in tihnawk thiang lo," a ti a; quarry bul hnai vel an then fai loh avangin mipuiin harsatna an tawh thu a sawi.

NHIDCL hotute leh kawng siamtu contractor-te chu Mizoram páwn aṭanga lung chang ṭha la lut tura ràwnin DC chuan, "Ruahsûr a kiang ṭan a, hnathawhna hun ṭha a inher chhuak mek. Muang loin thawk ang che u," a ti.

Inkawmhona hi Kawnpui SDO (Civil) Muhammad Aaquib-in a kaihruai a; September 25, 2024 khian Kawnpui SDO(C) hoin quarry-te chu a hmuna enfiah an rêl a ni.