Disturbed area-a puang lo turin Tuivai group YMA-in ngen

YMA Tuivai group chuan thuchhuah siamin, an group huam chhunga hmun ṭhenkhatah distur­bed area puang lo turin sorkar an ngen.

Tuivai group YMA chuan, an huam chhunga khuate zinga khaw pakua chu HPC demand area chhunga awm a ni tih sawiin, HPC demand area-ah chuan sorkarin disturbed area puan a tum nia an hriat thu an sawi a, "Tuivai group YMA chuan disturbed area-a min puang lo turin sorkarah ngen ni se tia a rel angin, khawngaih takin disturbed area-a min puang lo turin Mizoram sorkar hi kan ngen tak meuh a ni," an ti.

Tuivai group YMA chuan HPC demand area-a kohhran zawng zawngte chu remna leh muanna a awm theih nana ṭawngṭai turin an ngen bawk.