Thingzai leh a zai rutute man

YMA sub-head­quar­ters, Serchhip hnuaia Kum­puan Committee leh Environment & Forest department chuan, April 15 tlai dar 4:00 vel khan Serchhip leh Keiṭum inkar, Lumtui hnárah thing zai ru mi pahnih an man a; an thing zai sa an mansak nghal.

Serchhip YMA leh E&F department mite'n thingzai an mante chu thingzai phek 26, chárchár pasarih leh chártín pahnih a ni a; dan loa thing zaitute leh thingzaite chu nimin khan Thenzawl DFO Lalthanzuala kutah an hlan a; DFO chuan nimin vek khan ramhnuai aṭangin a phurh chhuahtir nghal a ni.

Thing zaitu an mante hi Van­­­lalruata, Kanan, Myanmar, tuna Dinthar Venga khawsa mek nia insawi leh, Rohluna, Manipur lam mi, Serchhip Darnam venga khawsa mek nia insawite an ni.