Aizawlah International NE Trade Expo

Nimin khan Lammualah Interna­tional North East Trade Expo vawi thumna ṭan a ni a, MJA president Vanlal­rema Vantawl-in a hawng.

MJA president chuan, Aizawlah international trade expo neih a ni chu lawmawm a tih thu sawiin, "Ram dang thil an rawn pho chhuak hi a lawmawm rualin, hmang ṭangkaia kan bungruate a tam thei ang ber khawvel hriata pho chhuahna hun atan kan hman a ṭul," a ti.

Mizo ṭhalaite chu huaisen leh tum­ruh tura chahin, Vanlalrema Vantawl chuan, "Hnam dangte'n an tih theih chu tih theih kan tum ve tur a ni a, mi taima leh tumruh tan hna a váng lo a, chhungkaw châwmna hi a la thawh chhuah theih a ni," a ti a; tunlai thiamna hmanga insiamrem zel tur leh hmasawnna hawi zawnga ṭan la lehzual turin ṭhalaite a chah.

3rd International North East Trade Expo 2015 thupui chu 'Sarâng ṭawih thei lo aiah a ṭawih thei chi hmang rawh' tih a ni a; Expo-ah hian Vietnam, Bangladesh leh Thailand bakah, India ram hmun hrang hrang aṭangin sumdawngte'n dawr 90 an hawng a ni.