HPC(D) mi pathum man an ni

Mizoram police-a CID (SB)-te chuan nimin chawhma dar 11:00 vel khan Silchar bulah HPC(D) mi leh sa pathum an man a, nizan dar 6:30 vel khan Aizawl an rawn thlenpui.

Thu dawn danin, CID (SB)-te hian additional SP Thangzuala hoin HPC(D)-te chu Silchar bul, Tripura lam hnaihah an lo châng a, dawr pakhata thil an lei tur chu hualin, an man a ni.

HPC(D) mi leh sa an mante chu - Lalropuia Famhoite (47), SS army chief, Churachanpur, Manipur; Nober Sanate (46), i/c. finance, Hmarkhawlian, Assam leh, Ngurthantluanga Sanate (29), Churachanpur, Manipur-te an ni.

HPC(D)-te rual hian an motor hman khalhtu pawh man a ni a, mah­se ani erawh chu thubuai siam­sak a ni dawn loa thu dawn a ni.

Mizoram police chuan thuchhuah siamin, HPC (D) an mante chu Mizoram chhung pawikhawihnaa vawi tam tak inhnamhnawiha hriat an nih thu tarlangin, "Lalropuia Famhoite phei hi chu Aizawl district chief judicial magistrate-in a manna tur stanging warrant arrest pahnih a tihchhuah lai a ni," an ti.