Zirtirtu dah vangin lawm

Tuichangral Zirlai Pawl (TCZP) chuan thuchhuah siamin, an huam chhunga Hrangturzo biala East Lungdar, Sailulak, Lungchhuan leh Lungkawlh khuaahte zirtirtu dah belh a ni chu an lawm thu an tarlang. Hma laksaktu, bialtu MLA Vanlalawmpuii Chawngthu leh Mizoram sorkar hotute chungah an lawm tak zet thu an sawi.

TCZP chuan, Khawlailung High School-ah kum 2007 aṭanga tun thlengin headmaster a la awm lo tih sawiin, pawi an tih tuh an sawi a; a rang thei ang bera headmaster dah turin sorkar an phût tih an sawi. East Lungdar-Sailulak kawng blacktopping hna thawh mek chu ṭha leh tlo taka siam turin contractor-te an ngen bawk.