Zodin M/S-ah headmaster pek an phût

MZP sub-headquarters, Tlabung chuan thuchhuah siamin, Tlabung Zodin Middle School-ah a rang thei ang bera headmaster dah turin sorkar an ngen a, an ngenna a hlawhtlin theih nan ṭan an lak zel dawn thu an puang.

Tlabung MZP tarlan danin, Tlabung Zodin M/S-ah hian kum 2008 aṭangin headmaster an awm tawh lo a, headmistress tura dah Zodinpuii chuan taksa hrisel lohna vangin Tlabungah a hna zawm thei lo a, Lunglei bula Ṭhuampuiah awmtir lailawk a ni.

Zodin M/S-ah headmaster awm loh vangin zirlaite'n harsatna chi hrang hrang an tawk ṭhin tih sawiin, Tlabung MZP chuan, "Tlabunga hna zawm thei tur headmaster nghet min pe turin thuneitute kan ngen nawn leh a, a hlawhtlinna kan hmuh hma chuan chak zawkin hma kan la zel dawn a ni," an ti.