Seminar on Bureaucracy & Rural Development

UGC bultumin Govt. JB College-a Department of Poltical science chuan, nimin khan Lunglei I&PR conference hall-ah ni hnih awh tur 'National Seminar on Bureaucracy & Rural Development in North East India’ an buatsaih a, DC Ashish Madhaorao More in a hman pui.

Ashish Madhaorao More chuan sor­kar hnathawkte'n inpumpekna nei mah se, hmasawnna ruangam a chhiat chu hna­thawh a harsat ṭhin thu sawiin, India rama mipuite rorelnaah hian bureaucrat-te pawimawhna a sang hle a, a bik takin election hunah phei chuan politics awn lam neih an nih loh avangin thawhhona ṭha tak nen inthlanna felfai tak neih theih ṭhin. Election laia inpawhna leh thawhhona ṭha awm thei ang hi hnathawhna kawng dangah pawh kalphungah nei thei ila chu duhthusam a ni," a ti.

Seminar-ah hian Govt. JB College, Govt. Lunglei College, Pachhunga University College, Govt. Saitual College, Govt. Kama­lanagar College, MZU te bakah Assam Uni­versity, Silchar; Tripura University, Agar­tala, Pathar Kandi College, Karimganj leh Mani­pur University aṭanga mithiamte'n thlan chhuah­te'n thupui an sawi ang.