Bulfekzawl-in zawngṭah an thar ṭha

Champhai district-a Bulfek­zawl khua chuan kum 2014-15 ah zawngṭah an thar ṭha hle a, zawngṭah kung pakhat aṭangin Rs. 10,000-te an lei chhuak ṭhin niin an sawi.

Bulfekzawl khaw pa F Lalfak­awma chuan, an khuaa chhungkaw awm zawng zawng, chhungkaw 60 velte chuan an in bul hnaiah zawngṭah an ching vek tih a sawi a; mahse ruahtui tlak ṭhat loh vangin 2014-15 ah chuan kum dang angin an thar ṭha lo tih a sawi.

F Lalfakawma sawi danin, Bulfekzawlah hian chhungkaw tinin zawngṭah kung nga tal an nei vek a, kung 20 neite pawh an awm. Kung pakhat aṭangin Rs. 10,000 vel an lei chhuak a ni.

Hetih lai hian, an awmna hmun hi a kilkhawr avangin duh angin an hralh hlâwk lo a, Champhaiah an hralh deuh ber a, a hlawmin khârchhâwng hoin an leisak bawk.