Customs-in 2014-15 ah nuai 99.53 an hmu

Mizorama Customs depart­ment chuan, kum 2014-15 chhung khan cheng nuai 99.53 an hmu a, an target cheng nuai 100 chu an phâk lo.

Aizawla Customs Division hotute hnen aṭanga thu dawn danin, kum 2014-15 chhunga Zokhawthar Land Custom Station kaltlanga Myanmar aṭanga Mizorama bungaw lut aṭanga import duty an lâk zat chu cheng nuai 73.93 a ni. Dan loa bung­rua lak luh an man khawm tihralna aṭangin cheng nuai 1,57,000 an hmu a, thil dang aṭang­in Rs. 24,03,000 an hmu bawk.

Dan loa ram dang aṭanga Mizorama bungrua lak luh an man zat chu case 67 a ni a, a hlut zawng chu cheng vbc. 393.04 a ni.

Zawhna chhangin Customs Division hotute chuan, bungraw tawlhrûk an man khawmte chu ramsa leh thing leh mau lam chi a nih chuan Environment & Forest department kutah an hlan a; damdawi ruihhlo a nih chuan ND&PS Act hnuaia ziah luh a ni a, Excise & Narcotics department chan a nih thu an sawi.