HPC(D) mi 3 mantute an chhuang

Mizoram Police Subordinate Officers Association chuan thuchhuah siamin, Mizoram police-te'n March 28, 2015-a Zokhawthiang dáia police pathum an kah hlumnaa a hnárkaitute zinga mi, HPC(D) mi pathum an man chu lawmawm an tih thu leh a mantute an chhuan thu an tarlang.

MPSOA chuan, Zokhawthiang dáia inkahna thlen aṭanga thla khat pawh a liam hmaa police kap hlumtu pawlte zinga an hruaitu lawk an man chu an bul ṭanna a nih thu sawiin, "Kan intiam tawh ang ngeiin kan ṭhiante thisen hi a thlawnin kan luantir dawn lo," an ti.

MPSOA chuan, sorkar duh dan ang zelin Mizoram himna atan MLA pathumte lambunnaa inhnawmhnawih zawng zawng khawrh fai tura an beih zel dawn thu an sawi a, "Kan tum hlen tur hian Mizoram police zawng zawngte puan ven sâwi chhínga inpumpek turin kan inhriattir a ni," an ti.

April 16-a HPC(D) mi pathum mantu police-te chu an phû tâwk lawmman pe turin sorkar an ngen a ni.