Press Enclave atan theihtawp chhuahpui tum

Tun hnaia Mizoram rawn tlawhtu, DoNER minister Dr Jitendra Singh leh BJP president Amit Shah-te chuan MJA ngenna angin, Aizawla Press Enclave project kal mekah theihtawp chhuahpui an tum thu an sawi.

MJA hruaitute chuan DoNER Minister leh BJP President-te hnenah hian chanchinbumite chênna tur Press Enclave an buaipui mek chu North Eastern Council emaw, DoNER emaw aṭanga tihpuitlin dan ngaihtuahpui turin an ngen a; Press Enclave project chu Mizoram sorkarin priority list-ah a telh bakah, Planning kutah a dah tawh thu an hrilh a ni.

DoNER Minister chuan, Press Enclave project file chuan a dawhkân a thlen hunah lo ngaih pawimawh a tum thu a sawi a; BJP president Amit Shah pawhin, "Theihtawp ka chhuah ang a, DoNER Minister hnenah project chu keimah ngeiin ka pe ang a, ka lo sawi ang," a ti a ni.