Lawngtlaiah chhiatna hmachhawn dan zir

Nimin khan Lawngtlai DC conference hall-ah chhiat­na a thlen palha hma­chhawn dan leh mawh­phurhna neitute'n an tih tur an hlen theihna tur zir­hona, 'One day workshop on incident response sys­tem and India disaster resource network' buatsaih a ni a, DC J Hmingthanmawi­a'n a hmanpui.

J Hmingthanmawia chuan, Mizoram chu chhiatna hrang hrang tâwk thei reng a ni tih sawiin, "Chhiatnate hi a lo thlen dan azirin village level-a chinfel theih chi a awm a, lian tham tak pawh a awm thei. Hei vang hian kil tinah kan phak tawk ṭheuha kan inbuatsaih a ngai. District level-a inbuatsaihna ṭha a ṭangkai em em a, hei vang hian hian vawiina workshop nei tura kal khawmte'n uluk taka kan chanvote hriat chian kan tum ṭheuh a pawimawh," a ti.

Aizawl district organiser Zothansanga Hmar chuan, Incident Response System, Departmental Disaster Management Plan leh Indian Disaster Resource Network tih thupui hmangin thu a sawi a ni.

Sorkar thuchhuah tarlan danin, Lawng­tlai district-ah hian chhiat­rupna thlen palha hman theih turin damdawi-in pathum, PHC panga, sub-centre 36, medical store pakua, ambulance bus pakhat, amublance maxi-cab pali, police outpost pali, JV hman mai thei pahnih leh JCB hire theih 18 a awm mek a ni.