Lungbial Vengin vote thlak tum lo

Zemabawk South Lungbial Venga Local Council Demand Committee (LCDC) chuan thuchhuah siamin, April 30, 2015-a local council inthlan turah local council hran neih phûtna leh an huam chhunga hmasawnna hna thawh phût nan vote an thlak dawn lo tih an puang.

Zemabawk South Lungbial Veng LCDC tarlan danin, vote thlak loh tur chung­chang hi vantlang inkhawma chhung­kaw tin aiawh kalkhawmte thutlukna a ni.

Zemabawk South Lungbial Veng LCDC chuan, "Hetiang taka kan hnufual a, vaivut khu leh chirhdiak nen, êng ṭha lo nen kan awm avangin vote thlak tura mipui nawr luih ngam chi pawh a ni tawh lo," an ti.

An veng chu hlawm hrang, khuavâng ri kham sa awm thlap a nih thu sawiin, Lungbial Veng LCDC chuan, local council hran neia veng chhung rual­awhna phuhru tura ṭan lak ve an duh tawh thu an sawi a ni.